Scéim na bhFéilte 2025 Glaoch1 (01 Eanair – 30ú Meitheamh)

Fáiltíonn Foras na Gaeilge roimh iarratais don scéim seo a leanas: Scéim na bhFéilte 2025 Glaoch1 (01 Eanair – 30ú Meitheamh)
Stádas
Dúnta
Dáta Deiridh
6 Eanáir 2025

Beidh Scéim na bhFéilte Glaoch 1 oscailte do ghrúpaí áitiúla cuí chun deis a thabhairt dóibh forbairt a dhéanamh ar fhéilte ealaíon nó ar eilimintí d’fhéilte atá á reáchtáil agus á gcur i bhfeidhm trí mheán na Gaeilge nó a bhfuil na healaíona Gaeilge mar chuid lárnach díobh idir 01 Eanair – 30ú Meitheamh 2025.

Díríonn an scéim seo ar fhéilte a bhfuil d’aidhm acu an Ghaeilge, na healaíona Gaeilge, na healaíona dúchasacha agus oidhreacht na Gaeilge a chothú agus a chur chun cinn trí mheán na Gaeilge nó go dátheangach, mar dhlúthchuid den fhéile, agus ardán a chur ar fáil do phobal na Gaeilge, don mhórphobal agus d’earnáil na n-ealaíon.